Thiruchitrambalam Review

Title - Thiruchitrambalam

Casting - Dhanush , Nithya Menen , Priya Bhavani Shankar, Raashi Khanna , Prakash Raj , Bharathiraja & Others

Director - Mithran R Jawahar 

Music Director - Anirudh Ravichandran 

Editor - Prasanna GK

Cinematographer - Om Prakash 

Production - Sun Pictures 

Languages - Tamil

Platform - Theatres 

Censored - U/A

Duration - 2hr 13 Min

Release Date - 18 August 2022

திருச்சிற்றம்பலம் விமர்சனம்

ரொம்ப நாளுக்கு பிறகு நடிகர் தனுஷுக்கு ஒரு குடும்பங்கள் கொண்டாடும் திரைப்படம் வெளியாகியுள்ளது .

முன்றாவது முறையாக இயக்குனர் மித்ரன் ஆர் ஜவஹர் - தனுஷ் கூட்டணியில் திருச்சிற்றம்பலம்.

தனுஷுக்கு காதல்கள் செட்டாகாது என்பது தான் கதையா என்றால் இல்லை என்று சொல்ல முடியாது. ஆனால் கதையை நகர்த்தும் காரணியாக காதல்தான் இருக்கிறது. 

தன் உற்ற தோழி நித்யாமேனென், தாத்தா பாரதிராஜா உதவிகள் மூலமாக இரண்டு காதல்களில் விழுந்து எழுகிறார் தனுஷ். இனி தனுஷின் காதலி யார்? என்ற கேள்விக்கு இடையில் அப்பா செண்டிமெண்ட், பிரண்ட் செண்டிமெண்ட் என நிறைய மெண்ட்களும் வருகின்றன.

நடிகர் தனுஷ் தன் நடிப்பில் மிக அருமையான மெச்சூட் தன்மையை காட்டியுள்ளார். பாரதிராஜாவோடு அவர் அடிக்கும் லூட்டிகள், நித்யாமேனென் உடன் இணைந்து அவர் பயணிக்கும் காட்சிகள் எல்லாமே ஆகத்தரம். நித்யாமேனென் தான் இப்படத்தின் ஆன்மா எனலாம். அவர் வரும் காட்சிகளில் எல்லாம் அவரே ஸ்கோர் செய்கிறார். பாரதிராஜா நடிகராக இப்படத்தில் இமையம் தொட்டிருக்கிறார். பிரகாஷ்ராஜ் தன் அனுபவ நடிப்பால் அதகளம் செய்திருக்கிறார். பிரியாபவானி சங்கர், ராஷிகண்ணா இருவருக்கும் சிறிய ரோல்கள் தான். சரியாக செய்துள்ளார்கள். முனிஷ்காந்த் சற்று நேரம் வந்தாலும் சிரிக்க வைக்கிறார்.

குறிப்பாக தனுஷ் மற்றும் நித்யா மேனன் இருவருமே நடிப்பில் மிரள வைத்து விட்டார்கள். உண்மையை சொல்ல வேண்டும் என்றால் தனுஷை விட நித்யா மேனனின் நடிப்பு மிகவும் சிறப்பாக இருந்தது. 

மேலும் இசையமைப்பாளர் அனிருத் – தனுஷ் கூட்டணி என்றாலே அங்கு பாடல்கள் அனைத்துமே சும்மா பட்டையை கிளப்பும் இப்படத்திலும் அது தொடர்கிறது. ‘தாய் கிழவி’ பாடலுக்கு நடனம் ஆடதவர்கள் யாரும் இல்லை திரையரங்குகளில். அனிருத் இசையில் பாடல்கள் ரிப்பீட் ரகம். பின்னணி இசை ஓ.கே ரகம். கண்களை உறுத்தாத ஒளிப்பதிவு படத்திற்கு பெரும்பலம்.

வழக்கத்துக்கு மாறாக இப்படத்தில் தனுஷ்க்கு சண்டை காட்சி இல்லை. முழுக்க முழுக்க குடும்பங்கள் கொண்டாடும் திரைப்படமாக அமைத்துள்ளது .

இப்படத்தில் ஆரம்பம் முதல் முடிவு வரை மிக அருமையான Screenplay ,Dialong & மற்றும் நித்யா மேனன் இருவருமே நடிப்பில் மிரள வைக்கும் வகையில் நடிப்பு . நீண்ட நாள்களுக்கு பிறகு ஆண் பெண் தோழர்கள் திரைப்படம். அதேநேரம் படம் அப்பப்போ நெஞ்சை வருடவும் தவறவில்லை. யூகிக்க கூடிய முடிவாக இருந்தாலும் குடும்பங்களுடன் பார்க்கும் படம்.

திருச்சிற்றம்பலம் மிக பெரிய பலம் தனுஷ்.